I CONCURSO POESÍA SERAOGNA: A ESCOLA SEN ACOSO
Dende a biblioteca do centro promoveuse a participación do alumnado no I Concurso de Poesía “Seraogna: A escola sen acoso”, unha iniciativa que buscaba fomentar a reflexión e a sensibilización arredor do acoso escolar a través da creación poética.
Co obxectivo de animar o alumnado a
expresar as súas ideas e sentimentos mediante a poesía, realizouse unha campaña
de difusión do certame e ofreceuse asesoramento ás persoas interesadas na
elaboración dos seus textos. Desde a biblioteca orientouse ás participantes
tanto na comprensión das bases do concurso como no proceso de creación e
revisión dos poemas.
Como resultado desta iniciativa,
cinco alumnas dos cursos de 4.º e 5.º decidiron presentar os
seus traballos ao concurso, demostrando unha grande implicación e sensibilidade
cara a unha temática tan importante como a convivencia e o respecto entre
iguais.
A participación neste tipo de
actividades constitúe unha valiosa oportunidade para fomentar a creatividade, a
expresión escrita e a educación en valores, ao tempo que contribúe a
visibilizar o rexeitamento do acoso escolar e a promover unha escola máis inclusiva
e respectuosa.
.jpeg)
Biblio creativa coa profe Deli!
BIBLIOTECA
CREATIVA
Este curso
abrimos no noso cole unha biblioteca creativa.
Comezamos
dunha maneira moi sinxela, probando distintos materiais, texturas, formas pero pronto pediron máis e foron
convertindo a biblioteca creativa nun lugar onde compartir experiencias e vivencias.
Organizaron
obradoiros
Debuxaron,
colorearon, recortaron, seguiron titoriais, falaron das súas creacións cos seus
compañeiros e sobre todo compartiron o seu tempo e as súas inquedanzas con
compañeiros de distintas idades.
Decoraron o
mural da biblio creativa
E ata nos
atrevimos a coser. Os comezos non foron doados pero ó final conseguimos coser
as letras para o mural do día das letras galegas.
Os mércores e
os venres a biblioteca converteuse nun punto de encontro dos nenos e nenas do
cole, un espacio de creatividade onde compartiron e aprenderon uns de outros e
donde seguiron aprendendo a vivir.
Visita da Residenci Domusvi Fátima ao cole
Con motivo dos maios, os maiores de DOMUSVI visitaron o noso cole. Compartimos unhas coplas que lles gustaron moito, despois fixemos unha manualidade de pintar un maio e, por último, xogamos ao bingo para pechar esta visita tan especial.
.jpeg)
.jpeg)
.jpeg)
.jpeg)
lectura e familias, familias Jimenez
O noso proxecto
de centro titulouse Unha escola sen fronteiras. Ao longo deste
percorrido descubrimos lugares, comidas, costumes e tradicións de diferentes
partes do mundo. Porén, decatámonos de que coñeciamos moi pouco dunha cultura
que leva máis de 600 anos formando parte da historia e da riqueza cultural de
España: a cultura xitana.
Grazas a
Elisabet, nai de, Jessica e Robeto
e a Sarai, nai de Adonay a nosa biblioteca converteuse por un día nun
espazo de encontro, aprendizaxe e emoción. Con enorme xenerosidade e cariño,
compartiron connosco os costumes do seu pobo, a súa deliciosa gastronomía e a
paixón dun xeito de bailar que nos emocionou e nos fixo participar dunha
tradición chea de vida e sentimento.
Foi unha experiencia inesquecible
que nos permitiu derrubar prexuízos, abrir a mente e achegarnos á verdadeira
esencia da cultura xitana. Para seguir aprendendo, a biblioteca incorporará
novos libros sobre este pobo e a súa historia. Mais hai algo que ningún libro
pode transmitir por completo: a calor das persoas, as emocións compartidas e a
riqueza dunha cultura vivida en primeira persoa, tal e como tivemos a fortuna
de experimentar na nosa biblioteca.
Presentación do libro : " Cuentos con superpoderes para niñas"
Tivemos a sorte de estar cunha das autoras do conto "Cuentos con superpoderes para niñas". Ela é Yuri, unha antiga mestra do noso cole.
Lemos e falamos sobre os poderes como a solidaridade, empatía, bondade, gratitude, etc
.jpeg)
.jpeg)
.jpeg)
Lectura e familias - Obradoiro de dobraxe
Obradoiro fantástico sobre como facer dobraxes! Damián estivo na nosa biblio co alumando de 5º e 6º e as súas familias traballando diferentes aspectos sobre a dobraxe: ritmo, tons de voz e volume. Unha maravilla! Moucho ten ganas dunha entrevista, atrevémonos?
Suscribirse a:
Entradas (Atom)